کوئټہ۔12اکتوبر(اے پی پی)صوبائي داخله وزير مير ضياﺀ الله لانګو وئيلي دي زلزله ځپلي به هېڅكله يوازې نه پرېږدو او د هغوي به هره ممكنه مرسته كولې شي ٬ په زلزله كښې د قيمتي ځانونو په زيان ټول قام خفه دے۔ د دې خيالاتو څرګندونه هغه د پي ډي اېم اے ډي جي نصير ناصر سره خبرو كښې وكړه۔ داخله وزير د پي ډي اېم اے ډي جي ته هدايت وكړو چې د زلزله ځپليو په هره ممكنه مرسته كولو كښې دې كوم كمې ونكړې شي۔ داخله وزير ووئيل په قدرتي آفتونو كښې د سياسي تړون نه لرې د بشري جذبې لمخې د ځپليو خذمت كوؤ۔ هغه ووئيل د مرستې په كارونو كښې د برخه اخستولو ادارو ٬ كارمندانو ٬ پاك پوځ او اېن جي اوز مننه كوؤ كومو چې په دې سخت وخت كښې د زلزله ځپليو مرسته وكړه۔
