په صوماليه كښې په ځانمرګي بريد كښې د دوه ماشومانو پشمول 8 كسان مړه او ګڼ شمېر ژوبل شوي

موغاديشو 26 ستمبر (اے پي پي) د ختيځې افريقې په صوماليه هېواد كښې په ځانمرګي بريد كښې د دوه ماشومانو پشمول 8 كسان مړه او ګڼ شمېر ژوبل شوي دي. د المانې مېډيا له مخې د صوماليه صدارتي ماڼې سره نزدې په يوه چېك پوسته موټري ځانمرګي بريد شوے او پكښې 8 كسان مړه او ګڼ شمېر ژوبل شوي دي. په مړو كسانو كښې دوه ماشومان هم شامل دي. د پوليس چارواكو له مخې وژل شوي كسان زياتره عام وګړي وو. د ځانمرګي بريد پړه د الشباب ډلې په غاړه اخستې. د الشباب ډله اسلامي حكومت جوړولو لپاره د څو كلونو راهسې په جګړه بوخت ده