د اسرائيلي ځواكونو په ډزو كښې 4 فلسطينيان شهيدان شول

مقبوضه بيت المقدس 26 ستمبر (اے پي پي) د اسرائيلي ځواكونو په ډزو كښې 4 فلسطينيان شهيدان شوي دي. د تركيې مېډيا له مخې د فلسطين د روغتيا وزارت وياند مېډيا ته وئيلي دي چې په مقبوضه لوېديځه پوله كښې د اسرائيلي ځواكونو او فلسطينيانو ترمېنځه نښتې شوې دي. په دې موقع د اسرائيلي ځواكونو په ډزو كښې څلور فلسطينيان شهيدان او ګڼ شمېر ژوبل شوي دي. وياند ووئيل چې د شهيدانو جسدونه اسرائيلي ځواكونو په خپل تحويل كښې اخستي دي.