امریکا كښې د كورونا وائرس ځپلو شميره 70 لکهھ څخه زياته شوه،2 لکهھ 4 زره څخه زيات كسان مړه شول

واشنګټن 22 ستمبر (اے پی پی) امریکا كښې د کورونا وائرس له امله د ځپلو شميره 70 لکهھ 46 زره څخه زياته شوې دغسې په ټول هېواد كښې د وائرس له امله تر اوسه 2 لکهھ 4 زره څخه زيات كسان مړه شوي۔د نهې په ورځ د امريكې ميډيا له مخې هېواد كښې د كورونا وائرس رنځورانو شميره 7046216 ته رسيدلې ۔ د امریکې د روغتيا محکمې چارواكو له مخې هېواد كښې د کورونا وائرس فعاله ځپليو شميره 2542185 ده دغسې د دې وائرس له امله ټول هېواد كښې تر اوسه 204506 كسان مړه شوي۔ چارواكو له مخې امریکا كښې د كورونا وائرس کیسونو شميره وخت سره سره زياتيږي۔چارواكو له مخې هېواد كښې تر اوسه د کورونا وائرس له امله ځپلې شوي 4299525 كسان ښه شوي دي۔ دا خبره دې ياده وي ټوله نړۍ كښې امريكا د كورونا وائرس له امله تر ټولو زيات ځبلے هېواد دے۔ امریکا كښې د كورونا وائرس وړومبنے کېس سږ كال په 22 جنوری رامخې ته شوے ؤ