لندن۔08 دسمبر(اے پی پی) د اطلاعاتو او خپرونو وفاقي وزير چوھدری فواد حسېن وئيلي دي پاکستان كښې اوس د بدعنوانی او منی لانډرنګ هېڅ ګنجائش نشته۔ د وزیراعظم عمران خان په مشرۍ كښې د پاکستان تحریک انصاف حکومت هېواد كښې د کرپشن ختمولو ، د غوره ګورننس او د قانون د سرلوړۍ عزم كړې دې۔ ددې خيالاتو څرګندونه ده د پاکستانی ھائی کمېشن احاطه كښې برطانیھ كښې د مېشته پاکستانی کمیونټۍ يوې غونډې ته خطاب كښې وكړه۔ برطانیھ كښې د پاکستان دوهم ھائی کمشنر محمد ایوب هم په دې موقع خطاب وكړو۔ چوھدری فواد حسېن دا مهال د برطانيې په دوره دې۔ ده په ټول ټاكنو كښې د پاكستان تحريك انصاف او د تحريك انصاف د چيئرمېن ملاتړ او په مرسته كولو د سمندرې پورې پاكستانيانو مننه وكړه۔ ده ووئيل د قوم بابا قائداعظم محمد علی جناح او پخپله عمران خان سمندرې پورې پاكستانې پاتې شوې دې او دوئي د خلقو د حقونو په تحفظ كښې مهم كردار ترسره كړې دې۔ ده ووئيل د پاكستان تحريك انصاف د حكومت جوړېدل د سټېټس كو او كرپټ نظام په ضد د متوسطې طبقې انقلاب دے۔ د تحریک انصاف حکومت په اولني ځل طاقتور كسان او ډلې قانون ته مخامخ كړې دي۔ كومو ډلو چې ځان د قانون نه بالاتر ګڼلو هغوئي ئې نيولي او په دوئي د مقدمو چلولو سره سره ئې دوئي زندانونو ته رسولې دي۔ ده ووئيل تېرو حكومتونو بدعنوانه يو اړخ ته د وژونكو په ضد ئې هم كوم ګام نه دې پورته كړې۔ په پاك هند اړيكو كښې د كشمير مسئلې ذكر كولو سره ده ووئيل پاكستان هند سره غوره اړيكې او د مذاكراتو د لارې د كشمير مسئلې سولييز حل غواړي۔ د پاكستان او هند ترمينځھ د كشمير په مسئله درې جنګونه شوي دي۔ ولې ددې مسئلې كوم حل رامخې ته شوې نه دې۔ ده ووئيل پاكستان هند سره د مقبوضه كشمير مسئلې په شمول ټولې چارې د خبرو اترو د لارې د حل كولو هڅه كړې ولې افسوس په دې خبره دې چې هند ټول عمري د پاكستان لخوا د مذاكراتو پېشكش رد كړې دې۔ د راهدارۍ پرانستې په اړه ده ووئيل دې سره به هند كښې مېشته د سكھ كميونټي غړو ته پاكستان كښې د مذهبي ځايونو ياترا كښې مرسته ترلاسه شي۔ د هېواد مخ په وړاندې تلونكي معيشت په اړه ده ووئيل د حكومت په زيركتيا د اډانه اقتصادي پالېسۍ په سوب بهر هېوادونو كښې د مېشته پاكستانيانو لخوا ترسيلات زر كښې ريكارډ اضافه شوې ده۔ ده ووئيل دا مهال سمندر پورې پاكستانيان د 20 زره ارب ډالرو زرمبادله رالېږي۔ ده ووئيل زمونږ حكومت به سمندر پورې پاكستانيانو ته د ټولو اسانيو وركولو له كار كوي۔ حكومت د ترسيلات زر رالېږونكو پاكستانيانو ډاډګيرنه كوي۔ ده ووئيل حكومت دا ترسيلات زر د كال په سر تر 30 اربه ډالرو رسول غواړي۔ ده ووئيل هېواد كښې د سلامتيا صورتحال مخ په ښه كېدو دې۔ امريكا ٬ جاپان او نورو هېوادونو څخه سرمايه كار هېواد كښې بېلو څانګو كښې سرمايه كارۍ له راروان دي۔ ده ووئيل حكومت مذهبي سېلګرۍ ته وده وركول غواړي۔ د نړۍ د غرونو 12 تر ټولو دنګې څوكې پاكستان كښې دي۔ پاكستان كښې يو شمېر تاريخي ځايونه موجود دي۔ ده ووئيل د سعودي عربستان په شمول يو شمېر هېوادونو په پاكستان چين اقتصادي راهدارۍ او ددې منصوبې تر سېوري لاندې د كركيلې ٬ سېلګرۍ او نورو څانګو كښې سرمايه كارۍ كولو كښې خوښي ښكاره كړې ده۔ ده ووئيل د اطلاعاتو په وزارت كښې د دوهم سېكتر په مشرۍ كښې يو يونټ جوړ كړې شوې دې ۔ دا يونټ به د سمندر پورې پاكستانيانو شكايتونه ترلاسه كوي۔ په برطانيه كښې مېشته پاكستانيان دې يونټ څخه استفاده كولې شي۔ د يوې پوښتنې په ځواب كښې وفاقي وزير ووئيل د آئین ترمخه دوه ځائيز شهريت لرونكي ووټ كارولې نه شي ولې د حقونو او ګټو په لړ كښې د پاكستاني وګړو او د سمندرې پورې پاكستانيانو ترمينځھ هېڅ فرق نشته۔
