صدر مملکت آصف علی زرداري ته د فرانس او سعودی عرب سفیرانو  خپل سفارتي اسناد وړاندې كړل

اسلام آباد۔14اکتوبر(اے پي پي)صدر مملکت آصف علي زرداري ته ایوان صدر كښې د  فرانس نومولي سفیر ژاں نوئل پواغیے او د سعودی عرب نومولي شوي سفیر ډاکټر راجح طامي البقمي خپل سفارتي اسناد وړاندې كړل ۔د شورو په ورځ د ایوان صدر میډیا  څانګې نه د جاري بيان تر مخه صدر مملکت دواړو سفیرانو ته د هغوي په تعیناتۍ مبارکي وركړه  او د هغوي سفارتي فرائض كښې کامیابۍ لپاره يې د نېكو ھيلو څرګندونه وكړه۔ ده باور ولرو چې دوي به د پاكستان سره د خپلو هېوادونو اړېكې لا مضبوطولو او  د شرېكې خوښې په څانګو كښې مرستې ته لا  پراختيا وركولو كښې  کردار تر سره کړي۔ د فرانس سفیر ژاں نوئل پواغیے سره ملاقات کښې صدر مملکت د رسمې مکالمې او د پراخه  مرستې د لارې فرانس سره د پاکستان د زړو  اړيكو مضبوطولو د  عزم  پخلے وكړو ۔ ده ګڼ اړخيزه ، د رسمي اعلیٰ كچې تبادلو او د  يو خودمختاره  دوه اړخيزه تعلق په اهمیت زور  راوړو ۔صدر مملکت تجارت، سرمایه کارۍ ، پارلیماني تبادلو ، تعلیمی و كلتوري روابطو او د دفاعي مرستې زياتولو موقعې رامخې ته كړې ۔  د سعودي عرب نومولي سفیر ډاکټر راجح طامي البقمي سره ملاقات كښې صدر مملکت د پاکستان او سعودي عرب په نزدې سټریټجک شراکت دارۍ  زور  راوړو  او د  سعودي مملکت سلامتیا او  دفاع  لپاره يې د پاکستان د عزم  پخلے وكړو  ۔ ده د مکه اتحاد  دفاع او د  دوه اړخيزه مرستې د بنیاد جوړونكې ادارہ جاتي طریقه کار اهمیت  رامخې ته كړو ۔ صدر مملکت د معاشي اړيكو د لا ژورولو  په ضرورت هم زور  راوړو ، ده  سعودي عرب د مالي معاونت او د تیل وركړې ستائنه يې وكړه او سعودي عرب كښې د  پاکستانيانو کردار  باندې يې رڼا واچوله ۔ ده باور څرګند كړو چې د سفیر د ملازمت  په موده كښې به اړېكې لا وده اومومي ۔