د سعودي عرب او فرانس دفاع ٬ كلتور ٬ سېلګرۍ او د سرمايه كارۍ په اړه سټرېتېجك همكارۍ زياتولو لپاره لوظ

رياض۔ 25 اګست(اے پي پي) د سعودي ولي عهد شهزاده محمد بن سلمان او د فرانس صدر ايمانوئل مېكرون په شتوالي كښې د سعودي عرب  او فرانس تر ېمنځه  په څو لوظ نامو  او په مفاهمتي ياداښتونو لاس ليك وكړے شول٬ د دغه ياداښتونو او لوظ نامو مقصد د دواړو هېوادونو تر مينځه  د مرستې  څانګو ته پراختيا  وركولو  او سټرېټجك همكاري لا مضبوطول دي۔ د العربيه تر مخه په دې كښې دفاعي مرسته٬  مصنوعي ځېركتيا   او د سياحتي سرمايه كارۍ بشمول ګڼو مهمو څانګو كښې  لوظ نامې او مفاهمتي ياداښتونه شامل دي ۔ دغسې  د كلتور ٬ماحوليات ٬ سېلګرۍ ٬ انساني ٬ اقتصادي او پرمختګ څانګو كښې  د مرستې يوه جامع  لوظ نامه هم وكړې شوه ۔ د فرانس او سعودي عرب  تر مينځه  په العلا ضلع كښې د پرمختګ په اړه د مرستې يوه لوظ نامه هم وكړې شوه  ٬ دې سره  سره د القديه كمپنۍ په مشرتابه كښې  فرانس كښې  د سېل سپاټې ځائے له د ترقۍ موقعو لټولو لپاره  په يو مفاهمتي ياداښت هم لاس ليك  وشو۔  دا لوظنامې د سعودي او فرانس  اړيكو د پېشرفت او د ګڼو سټرېټجك ٬ اقتصادي او پرمختيائي څانګو كښې د دوه اړخيزه مرستې  زياتولو  او همكاري نوي افق ته  د رسولو د عزم عكاسي كوي۔