د وفاقی وزیر انجینئر امیر مقام وزیراعظم، نائب وزیراعظم او فیلډ مارشل ته پېرزوئنې

اسلام آباد۔18جون (اے پی پی) د كشمير٬ ګلګت بلتستان او سېفران چارو وفاقي وزير انجينئر امير مقام د اسلام آباد مفاهمتي يادښت په تاريخي كاميابۍ وزيراعظم شهباز شريف٬ نائب وزيراعظم/ خارجه وزير اسحاق ډار٬چيف آف ډيفنس فورسز فيلډ مارشل سيد عاصم منېر او د پاكستان سفارتي ډلې ته د زړه له كومي مباركي وركړې ده۔ دې ځاې څخه جاري شوي بيان كښې وفاقي وزير ووئيل د وزیراعظم شهباز شريف مدبرانه مشرتابه، د نائب وزیراعظم/ خارجه وزير سېنېټر اسحاق ډار موثرې سفارتكارۍ د او فيلډ مارشل سيد عاصم منېر بصيرت لرونكې لارښودنې پاكستان په نړيواله كچه د يو ذمه وار٬ بااعتماد او مؤثر رياست په توګه لا مضبوط كړے دے۔ د وزیراعظم لخوا د ثالث په توګه په مفاهمتي يادښت لاس ليك پاكستان لپاره يو درناوې او تاريخي سفارتي كاميابي ده۔ ده ووئيل په دې مفاهمتي يادښت د امريكائي صدر ډونلډ ټرمپ او د ايراني صدر مسعود پزشكيان لاس ليكونه هم موجود دي۔ ده هيله څرګنده كړه چې پاكستان به سباؤن كښې هم نړيوال امن ٬ استحكام او سفارتي هم آهنګۍ ته وده وركولو كښې مهم كردار ترسره كوي