د وفاق المدارس العربیه پاکستان لاندې كلن امتحانونه (سبا) د خالي په ورځ پيل كيږي: صوبائی ناظم مولانا حسین احمد

پېښور ۔ 16 جنوری (اے پی پی) د وفاقي المدارس العربيه لاندې په ګرد هېواد كښې كلن امتحانونه سبا د خالي په ورځ پېل كيږي۔ په دې لړ كښې صوبائی ناظم وفاق المدارس العربیه پاکستان مولانا حسین احمد په جامعه امداد العلوم ٬ مسجد دروېش پېښور كښې د امتحاني عملې تربيتي نشست ته خطاب وكړو۔ ده ووئيل په ګرد هېواد كښې 6 لكه 59 زره 335 زده كوونكي هلكان او انجونې په كلن امتحان كښې ګډون كوي په كومو كښې چې يو لك 16 زره 607 حافظان او حافظانې شامل دي۔ په يو كال كښې د دومره زياتو حافظانو تياري يو نړيوال ريكارډ دے۔ ده ووئيل وفاق المدارس العربیه پاکستان د دینی مدارسو تر ټولو لوے نېټ ورك دے كوم سره چې 27,048 مدرسې رجسټرډ دي او په دې مدرسو كښې 38 لكه 92 زره 2 سوه 82 زده كوؤنكو زده كړې ترلاسه كوي