د شاهواني سټيډيم چاٶدنه كښې د حق رسېدلو شمېره 15 شوه٬ 32 كسان ژوبل

کوئټه 03 ستمبر (اے پي پي) د بلوچستان نيشنل پارټۍ د جلسې په پائې كښې د شاهواني سټيډيم چاٶدنه كښې د حق رسېدلو شمېره 15 ته ورسېده او 32 كسان ژوبل شوي دي۔ د يادونې وړ ده د نهې په ورځ په سرياب سړك د شاهواني سټيډيم نه بهر ھغه وخت چاٶدنه وشوه كله چې د پخواني وزيراعليٰ سردار عطا الله مينګل د تلين په اړه جلسې نه وروستو خلق د سټيډيم نه بهر وتل، د صحت صوبائي محكمې د سول هسپتال کوئټه لخوا د حق رسېدلو شمېره جاري كړې چې له مخې يې د حق رسېدلو شمېره 15 ته رسېدلې دغسې 32 كسان ژوبل شوي دي۔