پیښور01 ستمبر (اے پي پي)د خېبرپښتونخوا ګورنر فيصل كريم كنډي په پېښور كښې افغان قونصل جنرل حافظ محب اے شاكر سره ټېليفوني تماس ونيولو او هغه سره يۍ افغانستان كښې د راغلې سختې زلزلې په نتيجه كښې په لويه كچه شوي ځاني او مالي زيان د غم دړد او افسوس څرګندونه وكړه۔ د پیښور ګورنر هاؤس وياند له مخې ګورنر افغان قونصل جنرل سره په افغانستان كښې د زلزلې دلاسه د ګڼ شمېر قيمتي ځانونو په زيان غمرازي كړې ده۔ د خېبرپښتونخوا ګورنر افغان قونصل جنرل ته د خپل او صوبې اولس لخوا زلزله ځپليو سره د هر ممكنه مرستې كولو باور وركړو۔د خېبرپښتونخوا ګورنر د زلزلې له امله په شوي ځاني زيان د غم دړد څرګندونه كولو سره ځپليو كورنيو سره غمرازي هم ښكاره كړه۔ ده د ژوبل شويو لپاره د زر روغتيا دعا وكړه۔ ۔فيصل كريم كنډي ووئيل چې په دې سخت وخت كښې ټول هېواد په خاص توګه د خېبرپښتونخوا اولس افغان حكومت او افغان اولس سره ولاړ دې او د غم جنو كورنيو په غم كښې يو برابر شريك دے۔
