کوئټه۔ 11 جولائی (اے پی پی) د بلوچستان حكومت وياند شاهد رند وئيلي دي په سوله ايز احتجاج كوم اعتراض نه لرؤ خو د رېډ زون يرغمال كولو اجازه به چا له ورنه كړې شي ، له تېرو 10 ورځو څخه د كوئټې په سرياب سيمه كښې احتجاج روان ؤ ، په دې مهال كومه كارروائي ونه كړې شوه ولې بياهم مظاهرچيان رېډ زون پلو مخ په وړاندې لاړل٬ ده ووئېل په رېډ زون كوئټه كښې هائي كورټ ٬ سپريم كورټ رجسټري ٬ ګورنر هاؤس ٬ وزيراعلی هاؤس ٬ د ججانو او د اعلی سول چارواكو استوګنې او د سول سېكرټرېټ بلوچستان ودانۍ موجود دي۔ په دې مهال د پوليس لخوا د مظاهرچينانو رېډ زون ته ننوتلو څخه د منع كولو هڅه وكړې شوه۔ د صوبائي حكومت وياند ووئيل د بلوچستان حكومت لخوا په كوئټه ښار كښې دفعه 144 نافذ ده خو د دې باوجود مظاهرچيانو رېډ زون ته د ننوتلو هڅه وكړه۔ په دې مهال پوليس مظاهر چيانو سره د زيات تحمل او زغم څرګندونه وكړه۔ د رېډ زون په بابله پالېسي ښكاره ده او هغه دا چې چا ته هم رېډ زون ته د ننوتلو اجازه نشته
