ميامي اوپن ټېنس ټورنامنټ به د مارچ په 22مه نېټه پېل كېږي

فلورېډا 08 مارچ (اے پي پي) ميامي اوپن ټېنس ټورنامنټ 38م اېډيشن به د مارچ په 22مه نېټه د امريكې په فلورېډا ايالت كښې پېل كېږي. د خبر له مخې ټورنامنټ لپاره چمتووالي نيول شوے. په ټورنامنټ كښې به د وېمنز سنګلز، وېمنز ډبلز، مېنز سنګلز او مېنز ډبلز مقابلې كېږي. په ټورنامنټ كښې به د مېرمنو مقابلې د مارچ په 22مه نېټه پېل كېږي. دا ټورنامنټ په وړومبي ځل په كال 1985م كښې شوے و. سږ كال به ټورنامنټ د اپرېل په 3مه نېټه پاې ته رسي.