اسلام آباد كښې د زمكې د مالكانو ګيلو لرې كولو لپاره د خاص سېل جوړولو سپارښتنه
اسلام آباد 23 مئي (اے پي پي) د كورنيو چارو وزير چوهدري نثار علي خان اېف آئي اے ته د ادارې تنظيم نو لپاره په ټاكلې موده كښې د لنډ مهاله او اوږد مهاله پلان وړاندې كولو امر كړے دے ۔وفاقي وزير اسلام آباد كښې د آئي سي ټي انتظاميې لږ آمدن لرونكو ملازمانو او د وفاقې ملازمانو د استوګنې ضروريات ترسره كولو له په پلازمينه كښې د نويو سېكټرو جوړولو هم منظوري وركړې ده ٬دغسې اسلام آباد كښې د زمكو غېر قانوني قبضه كولو او د مالكانو ګيلو لرې كولو له د خاص سېل جوړولو هم سپارښتنه شوې۔داخله وزير جنيوا كښې د جوړ انټرنېشنل سول ډيفنس آرګنائېشن د ايګزېكټيو كمېټۍ غړو په 2017 كښې اسلام آباد كښې د غونډې كولو هم منظوري وركړه۔دا سپارښتنې د كورنيو چارو وزير په يوې اعلٰی پاې غونډه كښې د مشرۍ كولو په مهال كړې چې پكښې د نادرا چيئرمېن د اميګرېشن اينډ پاسپورټ ډائرېكټر جنرل٬ ضلعي انتظاميه او د كورنيو چارو وزارت چارواكو ګډون كولو۔
