رام الله 22 دسمبر(اے پي پي) اسرائيلي پوځ په لوېديځه پوله په پوځي چېك پوسته په فلسطيني وګړي ډزې كولو سره هغه شهيد كړے دے. د چينائي مېډيا له مخې فلسطيني چارواكو په خپل يو بيان كښې وئيلي دي چې تېره ورځ اسرائيلي ځواكونو د فلسطين په جنېن ښار كښې په اسرائيلي پوځي چېك پوسته د يو فلسطيني وګړي په ګاډي ډزې وكړې او په نتيجه كښې ئې فلسطينې وګړے شهيد شو. اسرائيلي پوځ په يو بيان كښې د پېښې تصديق كولو سره وئيلي دي چې پوستې سره نزدې په ولاړو عسكرو د ګاډي خېژولو په هڅه په فلسطيني وګړي ډزې شوې دي. په پېښه كښې د كوم اسرائيلي عسكر د وژل كېدو يا ژوبل كېدو اطلاعات نه دي راغلي.
