نوې ډيلې 19 مئي (اے پي پي) هند كښې د كورونا وائرس به تندۍ سره خپريږي، دوه لكهه 67 زره څخه زياتو نوو رنځورانو نه پس ټول هېواد كښې د كورونا ځپليو شميره 2 كروړه 54 لكهه 95 زره ته رسيدلې۔ د شورو په ورځ د هند ميډيا له مخي د تيرو 24 ساعتو په مهال پايه تخت نوي ډيلي بيلو سيمو كښې نور 267334 كسانو كښې د كورونا وائرس تشخيص شوے دغسې په دې مهال 4529 كسان مړه شوي۔ هند كښې د كورونا وائرس نوو كيسونو نه پس د مصدقه ځپليو مجموعي شميره 25495144 ده دغسې د مړو مجموعي شميره 283276 ته رسيدلي۔ هند كښې د ورځي په بنياد د ځپليو شميره ټوله نړۍ كښې د كوم هم هېواد څخه زياته ده،هېواد كښې د كورونا وائرس فعاله كيسونو شميره 3232165 ده۔چارواكو له مخي هند كښې د تيرو 24 ساعتو په مهال 4529 د كورونا رنځوران ښه شوي۔ هند كښې د كورونا ځپلے شوي 21979703 كسان تر اوسه ښه شوي۔ د كورونا وائرس له امله د مړو په اعتبار سره تر ټولو زيات ځپلو شوو رياستونو كښې مهاراشټر، تامل ناډو، كرناټك او اتر پرديش شامل دي۔ د كورونا وائرس رنځورانو په اعتبار سره هند دا مهال ټوله نړۍ كښې دويم تر ټولو زيات ځپلے شوے هېواد دے
