په هند په پنځو كلونو كښې په خبريالانو 198 بريدونه شوي دي، په بريدونو كښې 40 خبريالان وژل شوي

نوې ډيلې 29 دسمبر (اے پي پي) په هند په پنځو كلونو كښې په خبريالانو 198 بريدونه شوي دي، په بريدونو كښې 40 خبريالان وژل شوي دي. د المان خبر رسنې ادارې له مخې صحافت د جمهوريت څلورمه ستن بلل كېږي، په هند كښې دې څانګې سره په تعلق لرونكو د كال 2014م نه تر كال 2019م 198 بريدونه شوي دي.يوازې سږ كال په هند كښې په خبريالانو 36 بريدونه شوي دي. د خبر له مخې د شهريت ترميمي قانون په ضد د روانو مظاهرو د رپورټنګ په مهال تر ا وسه په خبريالانو 6 بريدونه شوي دي. د نړيوال تنظيم رپورټر ود اٶټ بارډر له مخې په هند كښې د خبريالانو حالت ډېر ښه نه دے. په نړۍ كښې د پرېس د آزادې په انډېكس كښې په كال 2019م كښې هند په 180 هېوادونو كښې په 140م نمبر و.