اسلام آباد 20 نومبر (اے پي پي) د كابينې د اقتصادي رابطه كمېټۍ (اي سي سي) د پنځه لكه غنمو برآمد كولو اجازه وركړې ده ۔ د اي سي سي غونډه د نهې په ورځ د خزانې وفاقي وزير اسد عمر په مشرۍ كښې وشوه۔ په غونډه كښې اي سي سي د نېشنل فوډ سېكورټي اېنډ ريسرچ وزارت لخوا د اضافي غنمو برآمد كولو پحقله د تجويز جاج واخست چې پكښې د پنجاب او سندھ صوبائي واكمنو او پاسكو د اضافي غنمو او د غنمو د مصنوعاتو برآمد كولو اجازه غوښتې وه۔ كمېټۍ پاسكو او د دواړو هېوادونو لخوا د پنځه لكه غنمو برآمد كولو اجازه وركړه۔ غونډه كښې پرېكړه وشوه چې په دې لړ كښې فريټ سروس لپاره به هر ډول مالي معاونت اړوند صوبائي حكومتونه كوي۔ وفاقي حكومت به يوازې د پاسكو په معامله كښې دا ډول لګښت برداشت كوي۔ په غونډه كښې د كامرس٫ خزانې او فوډ سكيورټي د لوړ پورو كمېټي جوړه كړې شوه كومه چې به په دوو اوونيو كښې د صورتحال جاج اخلي او د ضرورت له مخې به نور غنم برآمد كولو لپاره سفارش كوي
