په مقبوضه كشمير كښې په يو بريد كښې دوه پوځي افسران مړه او 6 اهلكار ژوبل شوي دي

سرينګر 10 فروری (اے پي پي﴾ د مقبوضه كشمير په جمو سيمه كښې د هندي پوځ په يو كېمپ په شوي بريد كښې دوه افسران مړه او 6 اهلكار ژوبل شوي دي۔ د كشمير مېډيا سروس له مخې د خالي په سهار نامعلومو كسانو د جمو په سنجوان سيمه كښې په يو پوځي كېمپ بريد وكړو او په نتيجه كښې ئې د ابتدائي اطلاعاتو له مخې دوه پوځي افسران مړه او 6 اهلكار ژوبل شوي دي۔ تر وروستيو اطلاعاتو د وسله والو او د هندي عسكرو ترمېنځه تر ډېره وخته ډزې روانې وې۔