د نائب وزيراعظم و خارجه وزير اسحاق ډار او د بحرين خارجه وزير ترمېنځه ملاقات، دوه اړخيزه مرستې ته لا پراختيا وركولو لپاره په تګلارو د خيالاتو څرګندونه

اسلام آباد 08 اکتوبر (اے پي پي) نائب وزيراعظم و خارجه وزير سينيټر محمد اسحاق ډار او د بحرين خارجه وزير ډاکټر عبداللطيف بن راشد الزياني د شريكې خوښې په بېلو څانګو په خاص توګه تجارت، اقتصادي و سرمايه کارۍ اريكو او په ګڼ اړخيزه فورمز د روابطو د لارې مرستې ته د لا پراختيا وركولو په تګلارو د خيالاتو څرګندونه وشوه۔ په خارجه وزارت كښې د ملاقات په مهال دواړه مشرانو د پاکستان بحرين د اړيكو جاج واخست او د دواړو هېوادونو ترمېنځه د لورې كچې په روابطو كښې ئې په مثبت پېشرفت د اطمينان څرګندونه وكړه۔ دواړو اړخونو د شريكې خوښې په سيمه ايزو او نړيوالو چارو هم د خيالاتو څرګندونه وكړه او په دې خبره ئې زور راړو چې د چيلنجز مخنيوي او د شخَړو حل پاره مذاکرات او سفارتکاري هم د عمل وړ ذريعې دي۔ د دې نه وړاندې د پاکستان بحرين د مشترکه وزارتي کميشن درېمه غونډه كښې د خبرو په مهال نائب وزيراعظم و خارجه وزير سينيټر محمد اسحاق ډار ووئيل چې د مشترکه وزارتي کميشن له مخې د ټولو دوه اړخيزه مشترکه ورکنګ ګروپس غونډې شوې چې پكښې د نيتجې وړ خبرې وشوې۔ ده د قيادت لخوا په دريو كالو كښې دوه اړخيزه تجارت تر يو ارب ډالرو دوه چنده كولو د هدف حواله وركولو سره ووئيل چې يو كال تېر شوے دے٬ په پاتې موده كښې دا هدف ترلاسه كولو لپاره هڅې ګړندۍ كولو ته اړتيا۔ اسحاق ډار د خليج مرستې كون کونسل-پاکستان د آزاد تجارتي لوظنامې (GCCFTA) لخوا د پيشرفت هركلي كولو سره ده ووئيل چې د دې لوظنامې بشپړېدو سره به دواړو ډلو له تجارت ته پراختيا او خپل اقتصادي هدفونه ترلاسه كولو كښې مرسته شوي۔ په دې موقع ده نزدې د يو لك 34 زره پاكسانيانو په كوربتوب كولو د بحرين مننه كولو سره ووئيل چې په دې كښې لويه شمېره د هنرمند پېشه ورو ده۔ ده په جون 2026 كښې د سزا وار بنديانو منتقلۍ د لوظنامې د توثيق هم هركلے وكړو او د پاكستانيو وګړو لپاره ئې د بحرين په مسلسل حمايت مننه وكړه۔ د بحرين خارجه وزير ډاکټر عبداللطيف بن راشد الزياني ووئيل چې غونډه په داسې وخت كښې كېږي كله چې د منطقې بحران پرله پسې حل طلب دے او د آبنائے هرمز د لارې جهاز رانۍ ته خطرې رامخې ته دي۔ په دې موقع ده د سعودي عرب په ابها انټرنيشنل ايئرپورټ او کنګ خالد انټرنيشنل ايئرپورټ په 6 او 7 اکتوبر د ترهګره شوې ترهګرۍ بريدونو سره سره د حوثي مليشيا لخوا په وګړو او سول تنصيباتو بريدونه او مکه مکرمه و مدينه منوره  په نښه كولو كارروائيو غندنه كولو سره ووئيل چې دا بريدونه د نړيوال قانون او نړيوال بشري قانون خلاف ورزۍ دي۔ ډاکټر الزياني ووئيل چې بحرين د سعودي عرب سلامتيا خپل او د خليج مرستې کونسل د سلامتيا لازمي برخه ګڼي او رياض سره د بشپړه يووالي څرګندونه كوي۔ ده د وزيراعظم محمد شهباز شريف  په مشرۍ كښې د اسلام آباد مذاکراتو كوربتوب او مکالمے او تاٶ تريخوالي كښې كمې ته وده وركولو لپاره د پاکستان د ګټور كردار ستائنه وكړه۔ ده د ملګرو ملتونو په سلامتي كونسل كښې د پاکستان او بحرين ترمېنځه نزدې مرسته په خاص توګه نريوال قانون، امن و سلامتي، بحري سلامتيا او د جهاز رانۍ د آزادۍ په چارو د دواړو هېوادونو ترمېنځه په مرستې هم رڼا واچوله۔ ده ووئيل چې د مشترکه وزارتي کميشن غونډې د پېش رفت جاج اخستل، د لوړې كچې دورو نه وروسته پېشرفت مخ په وړاندې بوتلل او دوه اړخيزه اړيكو كښې رامخې ته شوې مثبت رفتار  په عملي مرسته كښې د بدلولو موقعې رامخې ته كوي۔