نېپال كښې د سېلاب د لاسه 22 زره كوچنيان  د پاكو اوبو نه محروم دي٬ يونيسف

كهټمنډو۔ 4 ستمبر (اے پي پي)  د ملګرو ملتونو د كوچنيانو لپاره ادارې(يونيسف) وئېلي دي نېپال كښې په بهوټے كوشي۔ تريشولي دريائې بېسن  كښې د ناڅاپي راغلي سېلاب  د يوې اونې تېرېدو  نه پس  هم 22 زره كوچنيان د پاكو اوبو ٬ پاكوالي او د روغتيا خيال ساتلو له سدستي مرستې ته اړتيا لري۔ د امارت نيوز ايجنسۍ وام تر مخه  نېپال كښې د يونيسف استازي ايلس اكونګا ووئېل  په ځپلو ضلعو كښې د اوبو نظام ته زيان رسېدلے دے  ٬ دغسې د بېت الخلا او پاكوالي نورې آسانۍ هم  خرابې يا ړنګې شوي دي٬ د كومو له امله چې  د خپرېدونكو او  مرګونو رنځونو خطر زيات شوے دے ۔ هغه ووئېل په دغې ضلعو كښې  مور و پلار اوس په ورځ كښې څو وارې د دې پوښتنې ځواب لټوي  چې مونږ ته به د كوم ځائے نه اوبه تر لاسه كېږي  او آيا دغه  زما  كوچني ته د وركولو لپاره محفوظ دي ؟ دغسې يونېسف د سختو ځپلو ضلعو په رسووا او نوا كوټ سيمو كښې  نزدې 19 زره  كسانو لپاره اوبه ٬ د صفائي او د صحت سامان رسولے دے ۔  په دغې سامان كښې  3800 نه زيات د صحت كټس ٬  د 10 ليټره   3300 د اوبو بوشكې ٬ 3500 بالټي ٬ د يو ليټر 3500 مګ٬ د اوبو پاكولو  محلول 4000  بوتلې او د 1000 نه زيات تر پالونه  شامل دي۔د يونېسف  استازې تر مخه  د تباهۍ كونكې سېلاب څخه 19 سكولونو ته زيان رسېدلے چې پكښې 8 بشپر ړڼك شوي  او 8 ته لږ زيان رسېدلے دے۔  دغسې سكول ته  تلونكو د 10 زره نه زياتو كوچنيانو ته سمدستي د نفسياتي مرستې او د محفوظه تعليمي ځايونو ته د رسنې ضرورت دے۔