د پاك چين سفارتي اړيكو 75 كلونو په بشپړېدو د چينائي پلاوي د قامي اسمبلۍ دوره٬ د غونډې د كارروائۍ مشاهده

اسلام آباد۔20مئی(اے پی پی) د پاکستان او چین ترمينځه د سفارتي اړيكو 75 كلونو په بشپړېدو چينائي پلاوي د قامي اسمبلۍ دوره وكړه او د غونډې كارروائي يۍ وكتله، په دې موقع ټولو پارليماني ګوندونو چينائي پلاوي ته هركلې وئيلو سره د چين او پاكستان ملګرتيا هماليې څخه زياته لوړه او سمندر څخه  ژوره وګرځوله۔ د شورو په ورځ د قامي اسمبلۍ كارروائي كتلو له چې څه وخت د مېلمنو پلاوې ګېلرۍ ته راغلو نو غړو هغوي ته تود هركلے اووې۔ سپيكر سردار ایاز صادق ووئيل د چين او پاكستان اړيكو 75 كاله بشپړ شوي دي ٬ مونږ د چين پلاوي ته قامي اسمبلۍ ته په راتللو هركلے وايو۔ د مخالفې ډلې لارښود محمود خان اچكزئي د چين پلاوي هركلي كولو سره ووئيل مونږ  د حكومت سره سخت اختلاف لرو خو هغه مو نن يو اړخ ته كړي او دلته راغلې يو ، د چين پلاوي ته اسمبلۍ ته په راتللو هركلے وايو ، پاكستان به د چين احسانات كله هم هېر نه كړي۔ د پيپلز پارټۍ مشر لارښود سيد نويد قمر ووئيل د پي پي پي لخوا چينائي پلاوي ته هركلے وايم ٬ ذوالفقار علی بھټو چينائي مشرتابه سره خصوصي تعلق لرلو۔ ده ووئيل صدر آصف علي زرداري د چين د هرې سيمې دوره كړې ۔ د اېم کیو اېم  د قامي اسمبلۍ غړي سيد امين الحق ووئيل زمونږ ګوند پاك چين ملګرتيا عظيم داستان ګڼي٬ چين په هر سخت وخت كښې د پاكستان مرسته كړې ده۔ د جمیعت علمائے اسلام غړې شاهده اختر علي ووئيل  زه د مولانا فضل الرحمن لخوا چينائي پلاوي ته هركلے وايم۔ زه د دواړو هېوادونو مشرتابه ته پېرزوئنې وړاندې كوم۔ د اپوزيشن غړي ارباب شیر علی ووئيل د پي ټي آئي مؤسس ګوند ته هدايت كړے چې چين سره په اړيكو به كومه سودا نه كېږي، پي ټي آئي سي پېك په هر حال كښې مخ په وړاندې بوتلل غواړي۔