د سید یوسف رضا ګیلاني په مشرۍ كښې د سینیټ غونډه پېل شوه  ، په بېلا بېلو مهمو قامي او د  اولسي نوعیت په چارو به  غور کولې شي

اسلام آباد۔20مئی  (اے پي پي) د سېنېټ چیئرمین سید یوسف رضا ګیلاني په مشرۍ كښې د  سینیټ غونډھ پېل شوه چې پكښې به په بېلا بېلو مهمو قاكي او د اولسي نوعیت په چارو غور كولې شي ۔ د غونډې په مهال د غړو د اړخه د  قانون سازۍ ، اولسي  مسائلو او د هېواد صورتحال په اړه هم نکات پورته كېدل امكان لري  ۔ د غونډې کارروائۍ په مهال د  چین نیشنل پیپلز کانګریس وائس چیئرمین په مشرۍ كښې يو  اعلیٰ  پارلیماني پلاوې  هم موجود  ؤه او د  سینیټ د کارروائۍ يې مشاهده وكړه ۔ د چینائي  پلاوي راتګ د  پاکستان او چین تر مينځه د  پارلیمانی روابطو د ودې مهم پیش رفت ګرځولے كېږي ۔ د چین پلاوي به د غونډې نه پس  د چيئرمېن سید یوسف رضا سره ملاقات هم كوي ، چې پكښې به په دوه اړخيزه  اړيكو، پارلیماني مرسته، سيمه ايز صورتحال او د شرېكې خوښې په مختلف چارو به خبرې كېږي ۔ ملاقات كښې د  پاکستان او چین تر مينځه د پخوانۍ  اسټریټجک شراکت دارۍ لا قوي كولو د عزم به هم پخلے كولې شي ۔