د وزیراعظم شهباز شریف په مشرۍ كښې وړومبۍ قامی یوتھ ایمپلائمنټ پالیسي معارفي شوه ، تر كال 2029 د سل فیصده روزګار وركولو هدف ټاكلے شوے، رانا مشهود احمد خان

لاهور 29 ستمبر (اے پي پي) د وزیراعظم یوتھ پروګرام چیئرمېن رانا مشهود احمد خان وئيلي دي د وزیراعظم شهباز شریف په مشرۍ كښې وړومبۍ قامي یوتھ ایمپلائمنټ پالیسي معارفي كړې شوي ، تر كال 2029 د سل فیصده روزګار وركولو هدف ټاكلے شوے،د دې پالیسۍ مقصد ځوانانو له عزت او وقار سره روزګار وركول دي۔ده د ګل په ورځ ایوان اقبال لاهور كښې يو خبري كنفرنس ته وينا كوله۔رانا مشهود احمد خان ووئيل د پالیسۍ ترمخه به د هېواد په ټولو ضلعو كښې ایمپلائمنټ ایكسچینجز جوړولې شي دغسې چې ځوانانو ته د روزګار سهولت په درشل ترلاسه شي،دې سره سره ډیجیټل یوتھ ایپ ههم معارفي كړے كيږي۔ده ووئيل د دې پالیسۍ ترمخه د هېواد 10 مهمو څانګو ته پام لرنه كيږي چې پكښې زرعي او د خوراك پیداوار،ای كامرس، صحت، هاوسنګ او تعمیرات،انفارمېشن ټیكنالوجي ،لاجسټكس و ویئر هائوسنګ، مینو فیكچرنګ،معدنیات،سیاحت او ميلمستيا او بهر هېوادونو كښې د نوكرو موقعې شاملې دي۔