د كاناډا حكومت د پاکستان ډاکټر ذوالفقار بھټه ته د مور او ماشوم په صحت د کار په اعتراف كښې فريزن ايوارډ 2023 وركړو

اوټاوا 17 نومبر (اے پي پي) د كاناډا حكومت د پاکستان ډاکټر ذوالفقار بھټه ته د مور او ماشوم په صحت د کار په اعتراف كښې فريزن ايوارډ 2023 وركړے دے ۔ په دې لړ كښې د كاناډا په پايه تخت اوټاوا كښې دستوره وشوه چې پكښې د پاكستان هائي كمشنر ظهير جنجوعه، د كاناډا محققينو او هيلتھ سائنسز پوهانو ګډون كولو ۔ هائي كمېشن په اېكس جاري پوسټ كښې وئيلي دي سږ كال دا انعام ترلاسه كونكے ډاکټر ذوالفقار بھټه دے چا چې د مور او ماشوم صحت او غذائيت په اړه تحقيق او خدمات تر سره كړي دي۔