انډر 19 اېشيا كركټ كپ به ﴿نن﴾ پېل كېږي، پاكستان به خپل وړومبې مېچ دافغان لوبډلې په ضد كوي

دبئي 22 دسمبر(اے پي پي) په متحده عرب اماراتو كښې انډر 19 اېشيا كركټ كپ به ﴿نن﴾ د زيارت په ورځ پېل كېږي، په كپ كښې اته اسيائي لوبډلې ګډون كوي، پاكستان به خپل وړومبې مېچ د افغان لوبډلې په ضد كوي. د روايتي حريف هند په ضد مقابله به د دسمبر په 25مه نېټه كېږي.په ټورنامنټ كښې برخه اخستونكې اته واړه لوبډلې په دوه ګروپونو كښې وېشل شوې دي. په ګروپ اے كښې د پاكستان، هند، متحده عرب اماراتو او افغانستان لوبډلې او په ګروپ بي كښې د بنګله دېشن، كوېت، نيپال او سري لنكا لوبډلې شاملې دي. د ټورنامنټ دواړه سيمي فائنل به د دسمبر په 30مه نېټه او فائنل به د جنورې په وړومبې نېټه كېږي.