د پاکستان او وېسټ انډیز کرکټ لوبډلو ترمينځه درېم ټي – 20 مېچ(نن) كېږي٬ پاكستان ته په سيريز كښې د 0-2 پرېكنده بريا ترلاسه ده

کراچۍ ۔15دسمبر(اے پی پی) د پاكستان او وېسټ انډيز كركټ لوبډلو ترمينځه درېم ټي – 20 مېچ (نن) د زيارت په ورځ په نېشنل سټېډيم كراچۍ كښې كېږي٬ پاكستان ته د وېسټ انډيز په ضد په سيريز كښې د 0-2 پرېكنده بريا ترلاسه ده۔ پاكستانۍ لوبډلې په اولني مېچ كښې وېسټ انډيز ته په 63 او دويم مېچ كښې 9 رنز سره ماتې وركړې وه۔ پاكستانۍ كركټ لوبډله به د نوموړي بېټسمېن بابر اعظم او مېلمه لوبډله به د شائي هوپ په مشرۍ كښې مېدان ته كوزيږي۔ د ګرين شرټس سرلوبغاړي بابر اعظم وئيلي دي چې پاكستان به په درېم مېچ كښې هم فتح ترلاسه كولو سره وېسټ انډيز كلين سويپ كړي