انګلېنډ په ټي 20 نړيوال مېچ كښې پاكستان ته په 5 وكټونو ماتې وركړه

مانچسټر ۔ 31 اګست (اے پی پی) انګلېنډ د 3 ټي 20 نړيوالو مېچونو سيريز په دويم مېچ كښې پاكستان ته په 5 وكټونو ماتې وركولو سره سيريز كښې د يو صفر بريا ترلاسه كړې۔ انګلېنډ د 196 رنزونو هدف د 19 م اور په اولني بال د 5 وكټونو په زيان سر كړو۔ مورګن د مېچ تر ټولو غوره لوبغاړے ګرځولے شوے ۔ د اتوار په ورځ مانچسټر كښې د انګلېنډ كپتان مورګن د ټاس په ګټلو د فيلډنګ پرېكړه وكړه۔ د پاكستان لخوا د غوره كاركردګۍ په څرګندونه كولو كپتان بابر اعظم 56 او محمد حفيظ 69 رنزونه جوړ كړل۔ پاكستان په ټاكلو 20 اورونو كښې د 4 وكټونو په زيان 195 رنز جوړ كړل۔ د دې په جواب كښې انګلېنډ ټاكلے هدف په 19.1 اوور كښې د 5 وكټونو په زيان سر كړے كړو۔ د انګلېنډ لخوا كپتان مورګن 66 ، جونی بیئرسټو 44 ، او بينټن 20 رنزونه جوړ كړي