په قندهار كښې د طالبانو بريد شنډ كړے شو، په ځوابي عملياتو كښې 27 طالبان او دوه پوليس سرتېري مړه شول

كابل 24 جولائي (اے پي پي) د افغانستان سوئيلي قندهار ولايت كښې پوليس او امنيتي ځواكونو د طالبانو بريد شنډ كړے او په ځوابي عملياتو كښې 27 طالبان وژلي او دوه افغان سرتېري پوليس مړه شوي . د ولايت پوليس وياند جمال بارك زي وئيلي دي تېره شپه طالبانو د ولايت په تګړي سيمه كښې په امنيتي پوستو د قبضې په غرض بريدونه وكړل خو د پوليس او امنيتي ځواكونو لخوا سم ځواب وركړے شو او په ځوابي عملياتو كښې 27 طالبان مړه او ګڼ شمېر ژوبل شوي . ده ووئيل د طالبانو په بريد كښې هم دوه پوليس سرتېري مړه او 6 ژوبل شوي دي