د يهودي آبادې په ضد د امريكائي كانګرېس د 135 غړو قرارداد

واشنګټن 24 نومبر (اے پي پي) د امريكائي كانګرېس 135 غړو په يو پېټيشن لاسليك كړے په كوم كښې چې په فلسطين كښې د يهودي ابادې د ملاتړ په اړه د امريكې خارجه وزير مائيك پومپيو د بيان سخته غندنه شوې. د فلسطين د اطلاعاتو مركز له مخې د امريكې د كانګرېس غړو لخوا په تيار شوي پېټيشن كښې د خارجه وزير مائيك پومپيو څخه غوښتنه شوې چې هغه دې په غرب اردن كښې د يهودي آبادې په اړه خپل بيان بېرته واخلي. د يادونې وړ ده چې د امريكې خارجه وزير څلور ورځې وړاندې وئيلي وو چې د ده هېواد اوس په فلسطين كښې يهودي آبادي د قانون په ضد نه ګڼي.