د موسمياتو څانګې پنجاب او د سندھ پورته سيمو كښې د سختې ګرمۍ پېشګوئي ٬ د راروانو څو ورځو په مهال به د هېواد زياتره سيمې سختې ګرمۍ سره مخ وي، د پنجاب په نيم غرئيزو سيمو ٬ خیبرپختونخوا او کشمیر كښې درجه حرارت تر 40 ٬ دننه سندھ ٬ سوئيلي او وسطي پنجاب او ختيځ بلوچستان كښې تر 50 ډګری سېنټی ګرېډ زياتېدو امكان دے۔ د موسمياتو څانګه

اسلام آباد ۔02 جون (اے پی پی) د موسمياتو څانګې پنجاب او د سندھ پورته سيمو كښې د سختې ګرمۍ پېشګوئي كړې۔ د راروانو څو ورځو په مهال به د هېواد زياتره سيمې سختې ګرمۍ سره مخ پاتې كېږي او د پنجاب په نيم غرئيزو سيمو ٬ خیبرپختونخوا او کشمیر كښې درجه حرارت تر 40 ٬ دننه سندھ ٬ سوئيلي او وسطي پنجاب او ختيځ بلوچستان كښې تر 50 ډګری سېنټی ګرېډ زياتېدو امكان دے۔ دراپور ترمخه د راروانو 24 ساعتونو په مهال به د هېواد په زياتره سيمو كښې موسم ګرم او وچ وي۔ دغسې د تېرو 24 ساعتونو په مهال هم د هېواد په زياتره سيمو كښې موسم ګرم او وچ پاتے شو۔ بلخوا بونجي كښې دوه ملي ميټر باران ريكارډ كړې شو۔