دوحه 22 اکتوبر (اے پي پي) اولس مشر ممنون حسېن په څلور ورځنې سركاري دوره د خالي په ورځ قطر ته ورسېدو٬ د قطر د ټرانسپورټ او مواصلاتو وزير د اولس مشر تود هركلې وكړو او په روايتي لباس كښې ماشومانو اولس مشر ته د ګلونو ډالې وړاندې كړه۔ په دې موقع په قطر كښې د پاكستان سفير شهزاد احمد او د سفارت نور چارواكي هم موجود وو۔ اولس مشر به د خپلې دورې په مهال د قطر امير او نورو اعلٰي چارواكو سره ملاقاتونه كوي۔ د ملاقاتونو په مهال به د دوه اړخيزه اړيكو د مهمو اړخونو جاج اخستلې شي۔ په سيمه ايزو او نړيوالو چارو به هم خبرې كېږي۔ د پاكستانو چارواكو له مخې په سركاري كچه په خبرو كښې به د توان٬ تجارت٬ سرمايه كارې٬ دفاع او د پاكستاني افرادي قوت د اضافې پشمول بېلا بېلو څانګو ته پام كولې شي۔ د اولس مشر دورې سره به د دواړو هېوادونو اړيكې لا قوي شي۔
