د اطلاعاتو وزارت فيكټ چيكر په سوشل ميډيا د پاكستاني بندر ځايونو په عارضي توګه بندش سره اړوند ګردش كوونكې نوټيفيكيشن جعلي وګرځولو

اسلام آباد۔5مارچ(اے پی پی) د اطلاعاتو او خپرونو وزارت فيكټ چيكر په سوشل ميډيا د پاكستاني بندر ځايونو په عارضي توګه بندش سره اړوند ګردش كوونكې نوټيفيكيشن جعلي ګرځولے دے۔ د اطلاعاتو وزارت فېكټ چېكر لخوا د زيارت په ورځ د سماجي رابطې په وېب سائټ’’اېکس‘‘ (X) جاري كړې شوي بيان كښې وئيلې شوي چې په سوشل ميډيا ګردش كوونكي نوټیفکېشن كښې ادعا شوې چې کابینې ډویژن د امنيتي وضعې له امله په پاكستان كښې د ټولو بندر ځايونو داخلي لارې د روانې مياشتې تر 10 مې نېټې په عارضي توګه د بندولو امر كړے دے۔ ياد شوے نوټیفکېشن بې بنسټه دے ٬ په دې اړه د كابينه ډويژن يا د بحري چارو وزارت لخوا كومه حكم نامه جاري كړې شوې نه ده۔