اسلام آباد 02 اګست (اے پی پی) د ایران صدر ډاکټر مسعود پیزشکیان د پاکستان سرکاری دورې په مهال اسلام آباد ته رارسيدلې۔د اسلام آباد په هوائی ميدان وزیراعظم محمد شهباز شریف د ایران صدر او د هغه د پلاوي هركلے وكړو۔د خالي په ورځ د وزیر اعظم آفس میډیا ونګ د اړخه جاري شوې بيان له مخې ډاکټر پیزشکیان سره د اعلیٰ كچ پلاوي كښې د ایران خارجه وزير سید عباس عراقچی، سینئر وزيران او نور اعلیٰ چارواكي هم شامل دي۔دې به د خپلې دورے په مهال د صدر مملکت آصف علی زرداری او وزیر اعظم محمد شهباز شریف سره ملاقات کوي۔د دې دورے په مهال به د پاکستان او ایران ترمينځه د اعلیٰ پائې پلاوي غونډه كيږي۔دا د ایران د صدر په حیثیت سره د ډاکټر پیزشکیان د پاکستان وړومبۍ سرکاری دوره ده۔د دې دورے سره به د پاکستان او ایران ترمينځه د ورورولۍ اړيكي لا قوي شي۔
