د پاکستان تجارتي څانګه بدلېدونكو نړيوالو حالاتو كښې د ځاے جوړولو صلاحيت لري۔ وفاقي وزير جام کمال خان

اسلام آباد 01 اګست (اے پي پي) د تجارت وفاقي وزير جام کمال خان وئيلي دي ويليو ايډډ او غير روايتي برآمدات كښې زمونږ كاميابي د دې خبرې غمازي كوي چې د پاکستان تجارتي څانګه بدلېدونكو نړيوالو حالاتو كښې د ځاے جوړولو صلاحيت لري۔ ده دا خبره د تجارت وزارت د كال 25-2024 د پاكستان د تجارتي كاركردګۍ جاج لپاره د لوړې كچې غونډې په مهال كړې۔ د جمعې په ورځ د جاري خبر پاڼې له مخې په غونډه كښې د وزارت لوړو پورو ګډون وكړو چې پكښې د نړيوالو تجارتي چيلنجونو او د پاكستان د برامداتي لائحې جاج او په راتلونكې تګلاره خبرې اترې وشوې۔ په نړيواله كچه د جاري تجارتي شخړو، معاشي قلارتيا، د بيعو سخت مسابقت او د جغرافيائي سياسي تاٶ تريخوالي باوجود د پاكستان برامدات د استحكام مظاهره كړې٬ په مالي كال 25-2024 كښې د هېواد برآمدات په مجموعي توګه 31.76 اربه امريكائي ډالرو ته رسېدلې كوم چې په تېر مالي كال كښې 30.76 اربه ډالره وٶ۔ برآمدات كښې د زياتوالي ښكاره څانګو كښې په ټېكسټائل او ملبوسات كښې 15 فيصد زياتوالے٬ په ګنډلو جامو كښې 16 فيصد زياتوالے ٬ په هوم ټېكسټائل كښې 9 فيصد زياتوالے٬ تمباكو او سګريټس كښې 135 فيصد غېر معمولي زياتوالے ٬ د پلاسټك څيزونو كښې 17 فيصد زياتوالے ٬ د سېمنټ برآمدات كښې 25 فيصد زياتوالے ٬ داروګانو او آئي سي ټي په اړه د اړوندو خدمات برآمدات كښې هم مثبت پېشرفت تر نظره شوے دے۔د تجارت وزير د دې څانګو كاركردګي ستائېلو سره ووئېل په غېر روايتي برآمدات كښې زياتوالے د پاكستان د اوږد مهالې تجارتي پاليسۍ لپاره نيك مرغه دے۔ جام كمال خان ووئېل د درآمدات په اړه سرمايه جاتي څيزونو كښې 24 فيصد زياتوالے رېكارډ كړے شو كوم چې د هېواد د صنعت د بحالۍ او صارفينو د باور زياتېدو علامت دے۔