اسلام آباد 31 جولائي (اے پي پي) وزيراعظم شهباز شريف وئيلي دي د پاكستان رياست، د ترهګرۍ لعنت د خاتمې عزم لري ٬ نړۍ د ترهګرۍ په ضد زمونږ د كاميابو كاروائيو متعرف ده٬ د پاك پوځ مېړنو ځواكونو آپريشن رد الفساد او ضرب عضب كښې د ترهګرو بشپړه مقابله كړې او په اوسني تاريخ ساز معرکه حق كښې نړۍ د پاكستان بريا تسليم كړې ده ۔ د وزيراعظم آفس ميډيا ونګ لخوا د جاري بيان له مخې د وزيراعظم شهباز شريف په مشرۍ كښې د ترهګرۍ مخنيوي او د رياستي رټ قيام په اړه د جوړې كړې سټيئرنګ کميټۍ د جاج اغستو غونډه وشوه ۔ وزيراعظم ووئيل پاكستان د ترهګرۍ په ضد جنګ كښې ګڼ اړخيزه لائحه خپله كړې٬ د پاكستان لخوا زمكيز عمليات، اړونده قانون سازي، بامعني اولسي رابطې او د انتها پسندۍ سوچ حوصله ماتولو په څېر د مهمو عناصرو بشپړ او موثره استعمال شوے٬ كمېټۍ د ترهګرۍ په ضد د وفاقي او صوبائي واكمنو ترمېنځه همكاري موثره كولو او په دې لړ كښې د كمېټۍ په سفارشات په سختۍ سره د عملدرامد امر كولو سره ووئيل د مېړنو ځواكونو د ترهګرۍ په ضد دې كردار د ستائنې او پېرزوئنو وړ دے، د وطن خاورې په خاطر خپل ځان د قربانوونكو اهلكارو او د افسرانو د قربانۍ جذبه لرونكې د هغوي په كورنۍ زما پشمول ټول قام فخر كوي۔ وزيرِاعظم ووئيل د ترهګرۍ په ضد جنګ كښې د پاكستان ټول قام٬ مېړنې ځواكونه ٬ قانون نافذ كوونكې ادارې، انټيلي جنس ادارې متحد او يو موټې دي، د پاکستان نرانو ځواكونو د آپريشن رد الفساد او ضرب عضب كښې د ترهګرو بشپړه مقابله كړې او په اوسنۍ تاريخ ساز معرکه حق كښې نړۍ د پاكستان بريا تسليم كړې ده ۔ وزيراعظم ووئيل صوبائي حکومتونو، انټيلي جنس بيورو، داخله وزارت، کاؤنټر ټيررازم ډيپارټمنټ او په خاص توګه د پنجاب د ترهګرۍ مخنيوي څانګې د ترهګرۍ په ضد دې جنګ كښې موثره اقدامات كړي دي، پاکستان د فتنته الهندوستان او فتنته الخوارج او په دې ډول د سماج دښمنه عناصرو بشپړه خاتمې لپاره کميټۍ جامع، موثر او د عمل جوګه لائحه كار كوي۔ وزيراعظم ووئيل د ټولو اړوند ادارو د مشتركه كاروائيو او مرستې په سبب د قاچاق په ضد موثره كاروائۍ كوٶ چې په سبب ئې د قاچاق مخنيوے ممكن شوے، د قاچاق مخنيوي سره په معيشت مثبت اثرات مرتب شوي۔ وزيراعظم ووئيل د ترهګرۍ نه د پاك او سوله ايز او قوي رياستي ډهانچې په نړيواله كچه د سرمايه كارو اعتماد بحالۍ، د نړيوالو سرمايه كارو اعتماد لپاره حکومت د ټول نظام ډيجيټائزيشن او ټيکس سسټم كښې د بهترۍ غوندې انقلابي بدلون راوستے ۔ وزيراعظم ووئيل د پاکستان سټاک ايکسچينج كښې ريکارډ اضافه او ګلوبل ريټنګز كښې بهتري د پاکستان په معيشت كښې د استحکام نشاندهي كوي او دې سره به د بهرنيو سرمايه كارو باوري بحال شي، ده ووئېل په غېر قانوني توګه مېشته افغان وګړو د نړيوال قوانين له مخې وطن ته د ستنېدو په پروګرام عملدرآمد په موثره توګه روان دے ۔ په غونډه كښې نائب وزيراعظم اسحاق ډار،فيلډ مارشل سرلښكر سيد عاصم منير، د نيشنل سکيورټي ايډوائزر ليفټيننټ جنرل محمد عاصم ملك، وفاقي وزيرانو عطاء تارړ، اعظم نذيرتارړ، احد خان چيمه، د وزيراعظم سلاحكار رانا ثنا الله، وزير مملکت طلال چوهدري، د ټولو صوبو چيف سيکرټريز، انسپکټر جنرلز او اړوندو سركاري چارواكو ګډون وكړو۔
