ژچانګ۔31 جولائي (اےپي پي) پاكستان خپل خلائي پروګرام كښې يو بل د ميل كاڼے عبور كولو سره جديد رېموټ سېنېنګ سېټلائټ په كاميابۍ سره خلا ته روان كړے دے۔ دا سېټلائټ د سپاركو تر مخه د چين ژچانګ لائچ سېنټر څخه ولېږلے شو٬ كوم چې په 18 منټه كښې دننه مدار ته به ورسېږي۔ د لانچنګ په مهال د منصوبه بندۍ وفاقي وزير پروفېسر احسن اقبال ٬ د سپاركو پوهان او سائنسمدار په لانچ سېنټر كښې ناست وو او د ټول عمل څارنه يې كوله۔ دا سېټلائټ نه يوازې د پاكستان خلائي وژن 2047 برخه دے بلكې د قامي خلائي پالېسۍ د عملي نفاذ يوه مهمه كړۍ هم ده۔ نوے سېټلائټ هېواد ته په دې څانګو كشې انقلابي ګټې به رسوي چې پكښې د فصلونو د صحت او پېداوار جاج اغستو صلاحيت٬ د ښارونو په پراخه كېدو كښې ګړڼدے پرمختګ او د بنيادي ډانچې څارنه او د طبعي آفتونو په پېشنګوئۍ كښې سېلاب٬ زلزله او د زمكې خوِېدونكې غوندې خطرو په وخت په ګوته كول او ماحولياتي تحفظ كښې د ګلېشيئرز ويلې كېدل ٬ د ځنګلونو وهلو پشمول د ماحولياتي بدلونو نګراني شامله ده۔د دې سېټلائټ د لارې د قدرتي وسائلو موثر ميپنګ او انتظام كښې مرسته ٬ د سي پېك معاونت ٬ جيو هېزرډز پېژندګلو او د تګ راتګ د نېټ وركس نګراني به كېدې شي۔ دا سېټبلئټ د جديد سېنسېرز لري او منختلف موسمي حالات كښې د معياري ډيټا تر لاسه كولو صلاحيت لري۔ دا 1۔PRSS او د 1 ۔eo غوندې د پخوانيو خلائي مشنونو سره په مربوط كېدو به د يو جامع نېشنل اسپيس سسټم برخه وګرځي۔ دا وخت د پاكستان 5 سېټلائټس سسټم د وړاندې نه په خلا كښې كار كوي۔
