اسلام آباد۔26 جولائی (اې پي پي) د كورنيو چارو وفاقي وزير سید محسن نقوي کوئټه ته ورسېد۔ د كورنيو چارو وزارت له مخې کوئټه ته د رسېدو په مهال صوبائي وزیرانو د وفاقي وزير هرکلے وکړ، په دې موقع لوړ پوړي چارواکي هم په هوايي ډګر موجود وو۔ وفاقي وزیر محسن نقوي به د کوئټې دورې په مهال د بلوچستان وزیراعلی سرفراز بګټي سره ملاقات كوي ، همدارنګې په صوبه کښې د امن او امان د وضعیت په اړه به وزيراعلی هاؤس كښې د لوړې کچې يوه غونډه كيږي په كومه كښې به چې په بلوچستان كښې امن او امان باوري كولو لپاره د پورته كېدونكو ګامونو جاج اغستلے شي۔
