د پاكستان فزيكل ډس اېبلټی کرکټ لوبډله چېمپئنز ټرافي كښې ګډون كولو له سري لنكا ته ورسېده

کولمبو۔10جنوری(اے پی پی) د پاكستان فزيكل ډس اېبلټی کرکټ لوبډله د څلورو هېوادونو فزیکل ډس اېبلټی چېمپئنز ټرافي كښې ګډون كولو له سري لنكا ته رسېدلې ده۔ قامي لوبډله به خپل اولنے مېچ په 12 جنورۍ د روايتي حريف هند په ضد كوي۔ د پاكستانۍ لوبډلې مشري به اے اعجاز كوي۔ مېنجر امیر الدین انصاری، هېډ کوچ صبیح اظهر، اسسټنټ کوچ رافع هاشمی، راؤ جاوید، وډیو اینالسټ شاکر خلجي او اېم نظام هم لوبډلې سره دي۔ فزیکل ډس اېبیلټی چېمپئنز ټرافي 12 جنورۍ څخه د سري لنكا پلازمينه كولمبو كښې پېل كيږي په كومه كښې چې كوربه لوبډله سری لنکا، پاکستان، هند او انګلینډ ګډون كوي۔ قامي لوبډله به خپل اولنے مېچ په 12 جنورۍ د روايتي حريف هند په ضد كوي٬ د ټورنامنټ فائنل به په 21 جنورۍ كيږي