د ترهګرو په ضد په كاميابو عملياتو د بلوچستان وزيراعليٰ د امنيتي ځواكونو د وظيفائي صلاحيتونو ستائنه وكړه

کوئټه 20 اګست (اے پي پي) د بلوچستان وزيراعليٰ مير سرفراز احمد بګټي وئيلي دي د ډپټي کمشنر ذاکر بلوچ په شهادت كښې ككړ ترهګر امنيتي ځواكونو د كامياب آپرېشن د لارې وژلي دي٬ قام پخپلو مېړنو امنيتي ځواكونو وياړ لري٬ د پاكستان رياست به تل مظلومانو سره ولاړ وي۔ خپل پېغام كښې ده د ترهګرو په ضد په كامياب عملياتو د امنيتي ځواكونو د وظيفائي صلاحيتونو ستائنه كولو سره ووئيل امنيتي ځواكونه په بلوچستان كښې امن لپاره غوره وظيفه ترسره كوي۔