په برازيل كښې د كشتۍ ډوبيدو پيښه ٬ 8 كسان مړه

برازیلیا ۔25جنوری (اے پی پی) د برازيل په باهيا رياست كښې د مسافرو كشتۍ ډوبېدو پېښې په نتيجه كښې 8 كسان مړه شوي دي۔ د ټي آر ټي له مخې د رياست فائر ډيپارټمنټ لخوا په جاري كړې شوي بيان كښې وئيلې شوي دي چې په تودوس اوس سانتوس خلیج كښې پېښې سره مخ شوې كشتۍ كښې د ګنجائش نه زيات كسان ناست وو۔ د ځايي ابلاغ ذريعو راپور له مخې كشتۍ د مسافرو ترمينځه د جهګړې په نتيجه كښې اپوټه شوه۔ په دې پېښه كښې د 8 كسانو د مرګ تصديق شوے دے۔ بلخوا د بې دركه كسانو درك لګولو له كارروايۍ روانې دي چې ورسره د مړو شمېره كښې د زياتوالي اندېښنه ده۔ د پېښې په اړه نورې پلټنې هم پېل كړې شوي دي۔