ملګري ملتونه۔24 جنوری(اے پی پی) په ملګرو ملتونو كښې د پاكستان مستقل استازي منېر اکرم نړيوالې ادارې څخه غوښتنه كړې چې هغه د اسرائيل د لاسه په غزه كښې د عامو وژنو مخنيوي له كوټلي ګامونه پورته كړي٬ د اسرائیل فلسطین شخړې تلپاتې خاتمه د دوه رياستي حل د لارې ممكن ده۔ دا خبره ده تېره ورځ په سلامتي كونسل كښې د منځني ختيز شخړې په اړه يوې غونډه كښې …
ملګري ملتونه دې د اسرائيل د لاسه په غزه كښې د روانو وژنو مخنيوي له كوټلي ګامونه پورته كړي٬ د پاكستان استازي د سلامتي كونسل غونډه كښې د خيالاتو څرګندونه
مزید خبریں
ملګري ملتونه۔24 جنوری(اے پی پی) په ملګرو ملتونو كښې د پاكستان مستقل استازي منېر اکرم نړيوالې ادارې څخه غوښتنه كړې چې هغه د اسرائيل د لاسه په غزه كښې د عامو وژنو مخنيوي له كوټلي ګامونه پورته كړي٬ د اسرائیل فلسطین شخړې تلپاتې خاتمه د دوه رياستي حل د لارې ممكن ده۔ دا خبره ده تېره ورځ په سلامتي كونسل كښې د منځني ختيز شخړې په اړه يوې غونډه كښې وكړه۔ ده ووئيل وخت راغلے چې سلامي كونسل فلسطين آزاد رياست تسليم كړي او په نړيواله اداره كښې د دې مستقل غړيتوب لپاره ګامونه پورته كړي ، هيله ده چې كونسل به يو قرارداد منظور كړي په كوم كښې به چې د مخاصمت په بشپړه توګه د ختمولو ٬ د غزہ محاصره كړي اولس ته د مرستې سامان رسولو او فلسطيني اولس لپاره د نړيوال تحفظ غوښتنه وكړې شي۔ په غونډه كښې 60 څخه زياتو مقررينو د خيالاتو څرګندونه وكړه۔ په غزه د اسرائيلي بمبارۍ د لاسه د رامخې ته شوي ناوړه صورتحال په اړه ده ووئيل د بې ګناه وګړو دا ډول وحشيانه وژل او په ټول اولس مسلط كړي مصيبتونه د نسل كشۍ مترادف دي۔ دا ادعا د سوئيلي افريقه لخوا په دائر كړې مقدمه كښې هم شوې په كومه كښې چې د انصاف نړيوال عدالت ته ګردې نړۍ څخه راغلو استازو ته وئيلي شوي چې د اسرائيل په قبضه د نړيوال بشري قانون د هر يو اصول خلاف ورزي شوې۔ پاكستاني استازي ووئيل دا خبره د افسوس وړ ده چې د عمومي اسمبلۍ لخوا د دوو قراردادونو او په سلامتي كونسل كښې نزدې د متفقه رائے باوجود نړيواله ورورولي په ښكاره توګه د روانې نسل كشۍ مخنيوي كښې ناكامه راغلې ۔ ده ووئيل تر كومې چې د اسرائيل جنګي مشن بند كړے شوے نه وي په دې كښې د لا شدت رامخې ته كېدو امكان دے كوم چې يو شمېر هېوادونه اغېزمن كولې شي۔ په ملګرو ملتونو كښې د هند مستقل استازي ووئيل د شخړې فوري محرك په اسرائيل په تېر اكتوبر كښې شوي ترھګر بريدونه وو٬ ترهګري او د وګړو يرغمال كول هېڅ جواز نه لري۔ زمونږ خواخوږۍ هغه چا سره دي څوك چې يرغمال كړې شوي او مونږ د دوئي په غېر مشروط توګه د خوشې كولو غوښتنه كوؤ۔ ده د اسرائيل په زندانونو كښې د زرګونو په شمېر فلسطينيانو وګړو د خوشې كولو او په بشري بنيادونو د جنګ بندۍ هېڅ غوښتنه ونكړه۔ هندي استازي په ټولو فريقېنو زور راوړو چې هغوي تاؤ تريخوالې كم كړي او نېغ په نېغه امن خبرو اترو بحالولو له كار وكړي
