په كانګو كښې د بارانونو او سيلاب له امله 300 كسان مړه شوي

برازاویلے۔6جنوری(اے پی پی) په كانګو كښې د سختو بارانونو او سېلاب په نتيجه كښې 300 كسان مړه شوي دي۔ د چينائي ابلاغ ذريعو له مخې په کانګو كښې د سماجی چارو، بشري خواخوږۍ او د قامي يووالي وزير موټینګا متوشیائی ميډيا ته وئيلي چې په كانګو كښې د سختو بارانونو او سېلاب په نتيجه كښې 300 كسان مړه او 43,750 كورونه ويجاړ شوي دي۔ ده ووئيل د صفايۍ ناقص انتظام او د پاكو اوبو كمي له امله د وبائي رنځونو خپرېدو خطره زياته شوې ده۔ ده د كانګو اعلی چارواكو څخه د ځپليو مرستې لپاره په سمدستي توګه د فنډز جاري كولو غوښتنه هم كړې ده۔