اسلام آباد۔4فروری(اے پی پی) اولس مشر ډاکټر عارف علوي په هیواد کښې د صحي او په فطرت اډانه لرونكو فعالیتونو ته د ودې وركولو په حاجت زور راوړلو سره وئيلي چې د ګالف لوبه انسان فطرت ته نزدې کوي، ورزش او جسماني تمرین د انسان صحت لپاره ډېر ضروري دے۔ د خالي په ورځ د ايوان صدر ميډيا ونګ لخوا د جاري شوې اعلاميې له مخې اولس مشر په اسلام آباد كښې د ګولف ټورنامنټ په اختتامي دستوره كښې ګډون وكړو۔ په دستوره كښې د پاك سمندري پوځ اېډمرل امجد خان نيازي ٬ سي اي او سيرينا هوټلز عزيز بولاني او د ګولف لوبغاړو ګډون وكړو۔ په دې مهال خپل خطاب كښې اولس مشر ووئيل فطرت ته نزدې پاتې كېدل يو صحي عمل دې كوم چې په غوره تصمیم نیولو کښې مرسته کوي. هغه ووئیل چې په هیواد کې د ګالف په څیر صحي فعالیتونو ته وده ورکول مهم دي۔ په دې موقع اولس مشر د ګالف ټورنمنټ ګټونکو او د ګالف په بېلو برخو كښې د غوره کارکردګۍ په ښودلو لوبغاړو ته انعامونه وركړل۔ له دې څخه وړاندې اولس مشر ډاكټر عارف علوي په اسلام آباد كښې د ګالف ټورنامنټ په کامیابۍ سره كولو د سرينا هوټلز د سپورټس سفارتكارۍ اقدام وستائلو۔
