اسلام آباد 10 جون (اے پي پي) د خزاني وفاقي وزير شوكت ترين د روان مالي كال د اقتصادي صورتحال تفصيلي احاطه موبو سره ’’پاكستان اكنامك سروے 2020-21‘‘جاري كړې چې ترمخه ئې د روان مالي كال په مهال معاشي شرح نمو 4 فيصد څخه به زياته وي ، ترسيلات زر 20 اربه ډالره څخه زيات شوي ، برآمدات كښې اضافه شوې ، د لارج سكيل مينوفيكچرنګ څانګي شرح نمو 9 فيصد ، د زرعي څانګې شرح نمو 2.77 فيصد او كرنټ اكاؤنټ خساره لسو مياشتو كښې سرپلس ده،د اېف بي آر د ټيكس وصولي 42 كھربه ته رسيدلې ، د روان كال مارچ تر آخر د هېواد قرض 380 كھربه روپۍ دے، پرائمري بيلنس 5 كلونو كښې په وړومبي ځل سرپلس دے٬ نړيوال ماركيټ كښې د چينو، خام تيلو ، پټروليم مصنوعاتو، خوراكي تيلو او د نورو څيززونو بيعه كښې د زياتوالي باوجود حكومت اولس له ريليف وركړے ، كركيله ، صنعت، تعميرات او نور څانګو له مراعات وركړے شوي، د ماحولياتي خيرنوالي مخنيوي لپاره بلين ټري منصوبه پيل شوې ، د څيزونو بيعه كښې معمولي اضافه شوې ، روشن ډيجيټل اكاؤنټ كښې يو ارب ډالره څخه زياتي راغلي،نړيوال بينك احساس پروګرام ستائلے ، كامياب جوان پروګرام سره د هېواد ځوانانو ته ګټه رسېدلې ، د حكومتي پاليسيو سره معيشت مستحكم شوے ، اوس مونږ له استحكام څخه نمو پلو تلل دي ، د راروان مالي كال بجټ كښې به د غريبانو خيال ساتلے شي۔ده د زيارت په ورځ يو خبري كنفرنس په مهال د راروان مالي كال22۔ 2021 بجټ څخه وړاندي دا مهم معاشي دستاويز جاري كړو۔په دې موقع ده سره د صنعت او پيداوار وفاقي وزير مخدوم خسرو بختيار، د احساس پروګرام چيئرپرسن سينيټر ډاكټر ثانيه نشتر، د وزيراعظم د تجارت صلاحكار عبدالرزاق داؤد او د محصولات خاص مرستيال ډاكټر وقار مسعود هم موجود ؤ۔د خزاني وفاقي وزير شوكت ترين ووئيل د كورونا وائرس وباﺀ او د هغي منفي اثرات باوجود د حكومت د كوټلو پاليسيو سره قومي معيشت مستحكم شوے ، د وبا په مهال مينوفيكچرنګ، ټيكسټائل، زراعت او تعميراتي څانګي له مراعات وركړې شوي، روان مالي كال كښې د لارج سكيل مينوفيكچرنګ څانګي نمو 9 فيصد، د زراعت 2.77 فيصد ده ،د ګني ،وريژو ، غنمو او نورو فصلونو ريكارډ پيداوار شوے، ترسيلات زر كښې هم ريكارډ اضافه شوې او دا 20 اربه ډالره څخه زياته شوې او تر مالي كال آخر به 29 اربه ډالره ته ورسيږي ۔ ده ووئيل پاكستان وړومبے د خوراكي څيزونو برآمد كونكے هېواد ؤ، اوس مونږ درآمد كونكي يوو، روان مالي كال كښی برآمدات هم زيات شوي، ترسيلات زر كښې اضافې څخه دا خبره ثابت شوي چې بهر هېوادونو كښې مېشته پاكستانيان د وزيراعظم عمران خان سره خاص ميينه لري ، كرنټ اكاؤنټ خساره زمونږ په لسو مياشتو كښې سرپلس ده ، د فنانشنل ايكشن ټاسك فورس راروانه جائزه كښې مونږ ته ريليف ترلاسه كيدے شي، د اېف بي آر ټيكس وصولي كښې د روان مالي كال په 11 مياشتو كښې ښه والے راغلے او دا 4.2 ټريلين ته رسيدلے۔ده ووئيل د راروان مالي كال د ټيكس وصولۍ هدف 58 كھرب روپۍ اېښودلے شوے ، پرائمري بيلنس 5 كلونو كښې په وړومبي ځل سرپلس شوے ، پاكستان غنم ، چيني، غوړي او دالونه درآمد كوي ، نړيوال ماركيټ كښې چې د دې څيزونو څه بيعه وي د هغي اثرات هم په مونږ پريوځي۔ ده ووئيل د چينو بيعه 12 مياشتو كښې نړيوال ماركيټ كښې 58 فيصد زياته شوې ، مونږ يواځي 19 فيصد زياته كړې ، د پام آئل بيعه نړيواله منډۍ كښې 102 فيصد زياته شوې او مونږ يواځي 20 فيصده زياته كړي، دغسې نړيواله منډۍ كښې د سويابين آئل بيعه 119 فيصد زياته شوې او مونږ يواځي 23 فيصد زياته كړې ۔ده ووئېل د خام تيلو بيعه په نړيواله منډۍ كښې 119 فيصد زياته شوې خو مونږ يواځي 32 فيصد زياته كړې ۔ ده ووئيل د كركيلي پرمختګ ته خاص پام لرني ته اړتيا ده ، حكومت په دې اړه ګامونه پورته كوي، انتظامي ډھانچې به ښه كول وي ، پاكستان سټاك ماركيټ د نړۍ څلورم لوي او د اسياﺀ ښه سټاك ماركيټ دے ۔ سږ كال د مارچ تر آخر د هېواد مجموعي قرض 38 ټريلين روپۍ دے ، 21۔ 2020 كښې دې څخه وړاندي د مالي كال په مقابل كښې 17كھربه زيات دے۔د خزاني وزير ووئيل لاندي طبقې له اسانۍ وركولو لپاره احساس پروګرام يو ښه پروګرام دے او نړيوال بينك هم دا ستائلے ، كامياب جوان پروګرام سره به ځوانانو ته ګټه ورسي، د ماحولياتي خيرنوالي مسئلې مخنيوي لپاره لس بلين ټري سونامي ترمخه يو ارب اوني نالولې شي۔ده ووئيل د روزګار موقعي په شرح نمو زياتولو راپيدا كيږي ، بجټ كښې به د غريبانانو خاص خيال ساتلے شي۔ ده ووئېل یه تير وخت كښې يواځي غريبانانو سره لوظونه شوي،كه شرح نمو كوټلي وي نو غريبۍ به هم كمے راشي
