ملګري ملتونه ۔ 13 اکتوبر (اے پی پی) پاكستان هند سره د كشمير پشمول ټولې د حل وړ مسئلې د خبرو د لارې حل كول غواړي ولې هندي حكومت د دواړو هېوادونو ترمينځه د خبرو ټولې دروازې بندې كړي دي۔ دا خبره د وزيراعظم خاص استازي سناتور شاهد حسېن د ملګرو ملتونو مركزي دفتر كښې خبريالانو سره خبرو كښې وكړه۔ ده ووئيل د دواړو ګاونډي هېوادونو ترمينځھ روان كړكېچن صورتحال ختمولو له خبرې اترې كول يواځنۍ لاره ده۔ مونږ له به يو بل سره خبرې پېل كول وي۔ سناتور مشاهد حسېن دا مهال نړۍ ته د كشمير مسئله وړاندې كولو پاكستاني مشن ترمخه د امريكا دوره كوي كومه كښې چې ډاكټر شذره منصب هم ده سره ده۔ په دې مهال ملګرو ملتونو كښې د پاكستان مستقل استازې ډاکټر ملیحه لودھی د خبريالانو په درناوي كښې يوه دستوره راجوړه كړه۔ دستورې ته خپله وېنا كښې ډاکټر ملیحه لودھی ووئيل پاكستان په سيمه ايزه او نړيواله كچه هند سره خبرو كولو ته تيار دے۔ پاكستان غواړي چې هند په كشميريانو زور او زياتې بند كړي او پاكستان سره په ټولو مسئلو جدي خبرې اترې پېل كړي۔ پاكستاني پلاوي د عمومي اسمبلۍ صدر پیټر تھامپسن او دوهم سېكتر جیفری فېلټ مېن سره ملاقاتونه وكړل۔ دوئي مقبوضه كشمير كښې د بشري حقونو سختو خلاف ورزيو په شواهدو مشتمل ډوزیئر د عمومي اسمبلۍ صدر ته وسپارلو۔ سناتور مشاهد حسېن ووئيل هند د كشميريانو د خپلواكۍ خپل حق لپاره هڅې د پاكستان پولې څخه پورې غاړه د لاس وهنې په شكل كښې وړاندې كوي۔ د كشميري اولس تحريك د د دوئي د لارښود برهان واني د هندي ځواكونو دلاسه د شهادت نتيجه ده۔ د يوې پوښتنې په ځواب ده ووئيل پاكستان هيله لري چې د ملګرو ملتونو د بشري حقونو كونسل به فېكټ فائينډنګ مشن مقبوضه كشمير ته ولېږي۔ فوځي مبصر مشن به دوباره فعال كړي او د مشرقي تېمور او سوئيلي سوډان په ډول د مقبوضه كشمير په اړه د سلامتي كونسل قراردادونه به هم په سمدستي توګه عملي كړي۔
