اسلام آباد 18 ستمبر(اے پي پي) خارجه سېكتر اعزاز احمد چوهدري وئيلي دي چې په كشميري اولس د ظلم په ضد او د كشمير د پخوانې مسئلې حل لپاره به په هر فورم غږ پورته كولې شي۔ ده ووئيل چې د ملګرو ملتونو د عمومي اسمبلې په 71مه غونډه كښې به د وزيراعظم په وېنا كښې د كشمير مسئله بنيادي اهميت او فوقيت ولري۔ په غونډه كښې د ګډون كولو نه علاوه به وزيراعظم د كشمير مسئلې په اړه بېلا بېلو نړيوالو مشرانو سره ملاقاتونه هم كوي۔ د اتوار په ورځ په شخصي ټي وي سره په خبرو كښې خارجه سېكتر اعزاز احمد چوهدري ووئيل چې د بلوچستان معاملې ته هوا وركولو سره هند په مقبوضه كشمير كښې د ظلمونو نه د نړۍ پام بلخوا ګرځول غواړي۔ ده ووئيل چې د مقبوضه كشمير مسئله په نړيواله كچه منل شوې او دا لانجمنه سيمه ده او په دې لړ كښې د ملګرو ملتونو قراردادونه هم شته۔ ده ووئيل چې په بلوچستان كښې د پرمختګ سفر په تندې سره روان دے او د پاكستان او چين د اقتصادي لارې د پروژې له مخې په صوبه په لويو پرمختيائي پروژو كار روان دے۔
