پوليس په بره پړانګ غار “يوسف آباد” كښې د كوكنارو په 28كناله ولاړ فصل تلف كړو

پېښور 29 اپريل (اے پي پي) د ضلع مومند پوليس په بره پړانګ غار “يوسف آباد” كښې د كوكنارو فصل په ضد د كارروائۍ په مهال په 28 كناله زمكه د كوكنارو ولاړ فصل تلف كړے دے۔ د ضلع مومند پوليس وياند له مخې پوليس د نشه اي توكو او د كوكنارو فصل تر خاتمې د آپرېشن روان ساتلو د عزم پخلے وكړو۔ په دې لړ كښې د مومند ضلع ډې ډي پي او رضا محمد په احكامات د پړانګ غار سركل اېس ډي پي او فرهاد علي په نګرانۍ كښې پوليس د پړانګ غار په يوسف بابا سيمه كښې د كوكنارو فصل په ضد اپرېشن وكړو او په 28 كناله زمكه ولاړ د كوكنارو فصل يې په بشپړه توګه تلف كړو۔ دغسې پوليس اولس ته اپيل وكړو چې د نشه اي توكو په ضد روانو عملياتو كښې مكمل مرسته وكړئ دغسې چې دا لعنت ضلعې څخه تل لپاره ختم كړے شي