د ختيز شاعرِ علامه ډاکټر محمد اقبال د وفات ورځ عقيدت و احترام سره ولمانځلے شوه

پېښور 21 اپرېل (اے پي پي) د خېبر پښتونخوا پشمول ګرد هېواد كښې د شاعرِ مشرق علامه ډاکټر محمد اقبال د وفات ورځ په 21 اپرېل عقيدت و احترام سره ولمانځلے شوه۔ په دې موقع پېښور كښې د بېلو سياسي، تعليمي او ادبي تنظيمونو د سيوري لاندې دستوري او سيمينارونه وشول چرته چې د اقبال خدمات ته پيرزوئنې وړاندې شوي۔1877 كښې په سيالکوټ كښې زيږدلي اقبال په داسې وخت كښې د مسلمانانو فکري او تعليمي رهنمائي کړې كله چې د 1857 ناکامه جنګ آزادۍ نه پس د نيمي اوچي مسلمانان د زوال ښكار وو٬ هغه د سر سيد احمد خان تعليمي تحريك مخ په وړاندې بوتللو او مسلمانانو كښې ئې شعور بيدار کړو۔اقبال په 1930 كښې خپل تاريخي خطاب اله آباد كښې د نيمي اوچي مسلمانانو لپاره د جلا رياست تصور وړاندې كړې كوم چې دې نه پس د قائداعظم محمد علي جناح په قيادت كښې عملي شکل اختيار کړو او 14 اګست 1947 پاکستان جوړ شو۔ د پوهانو له مخې اقبال شاعري او فلسفه د پولو څخه بالاتر ده او ټوله نړۍ كښې پوهنتونونو كښې اقباليات په توګه لوستلې كيږي۔ د هغه تصوراتِ د خود دارۍ او د شاهين ځوانانو لپاره د خود اعتمادۍ خود انحصارۍ، لوړي حوصلي او هلو ځلو پيغام وركوي۔ د تعليم پوهانو وېنا ده چې د اقبال فلسفه يوازې تر سياست محدود نه بلکه همه ګير انساني نظريه ده كومه چې د امن، همغږۍ او سماجي اصلاح درس وركوي۔ پوهانو په دې خبره زور راوړو چې د نن چيلنجونو مخنيوي لپاره د اقبال افکار په خاص توګه صورِ خودي د ځوانانو لپاره لارښودنه وركوي۔د هغه تعليمات په اتحاد، ايمان، نظم و ضبط او خود انحصارۍ اډانه دي كوم چې د پاكستان پرمختګ او سوكالۍ لپاره ضروري دي۔