تر څو چې د افغانستان زمكې څخه د پاكستان په ضد د ترهګرۍ او دراندازۍ خاتمې ضمانت نه وي راكړې آپرېشن “عضب للحق” به دوام دار وي۔ ډاكټر طارق فضل چوهدري قامي اسمبلۍ كښې څرګندونې

اسلام آباد 04 مارچ (اے پی پی) د پارليماني چارو وفاقي وزير ډاكټر طارق فضل چوهدري واضحه كړې چې تر څو چې د افغانستان خاورې څخه د پاكستان په ضد د ترهګرۍ او دراندازۍ د خاتمې ضمانت نه وي راكرې شوې آپرشن “عضب للحق” به دوام دار وي٬ د كال 2022 نه پس افغان طالبان رجيم كښې 8 زره څخه زيات پاكستاني د ترهګرۍ په نښه شوي٬ ترلائي كښې امام بارګاه٬ بنو او باجوړ كښې د ترهګرو د سازشونه افغانستان څخه په ترلاسه كېدو هغوي ته د بشپړه ځواب وركولو پريكړه شوې۔ د شورو په ورځ قامي اسمبلۍ كښې د خيالاتو څرګندونه كولو سره ډاكټر طارق فضل چوهدري ووئيل چې د منطقې په موجوده صورتحال هر يو اندېښنه لري٬ نن د وزيراعظم محمد شهباز شريف په مشرۍ كښې د پارليماني مشرانو مهمه غونډه شوې چې پكښې د منطقې په موجوده صورتحال تفصيلي بريفنګ وركړې شوې۔ وفاقي وزير ووئيل چې تاريخ ګواه دے چې پاكستان تل په منطقه كښې امن او استحكام لپاره هڅې كړې دي٬ هند سره د ښه اړيكو د نشتوالي باوجود پاكستان كله هم د جارحيت پالېسي نه ده اختيار كړی٬ د ځانمرګي بريدونو٬ بمي چاودنو او د ترهګرۍ پېښو باوجود مونږ تل د امن خبره كړې كله هم چې په پاكستان جارحيت شوې نو د هغې بشپړه ځواب وركړی شوې دې٬ د مئي په لسمه نيټه په هندي جارحيت چې كوم ځواب هغوي ته وركړې شوې هغه په نړيواله كچه د ريكارډ برخه ده٬ په دې كښې وړومبې والې هم د هند لخوا شوې د كوم چې مونږ ځواب وركړې دې